Regula Benedicti
Ut non praesumat quisquam aliquem passim caedere aut excommunicare
Latein
Deutsch
- Vitetur in monasterio omnis praesumptionis occasio;
- atque constituimus ut nulli liceat quemquam fratrum suorum excommunicare aut caedere, nisi cui potestas ab abbate data fuerit.
- Peccantes autem coram omnibus arguantur ut ceteri metum habeant.
- Infantum vero usque quindecim annorum aetates disciplinae diligentia ab omnibus et custodia sit;
- sed et hoc cum omni mensura et ratione.
- Nam in fortiori aetate qui praesumit aliquatenus sine praecepto abbatis vel in ipsis infantibus sine discretione exarserit, disciplinae regulari subiaceat,
- quia scriptum est: Quod tibi non vis fieri, alio ne feceris.
