Regula Benedicti
Si omnes debeant aequaliter necessaria accipere
Latein
Deutsch
- Sicut scriptum est: Dividebatur singulis prout cuique opus erat.
- Ubi non dicimus ut personarum – quod absit – acceptio sit, sed infirmitatum consideratio;
- ubi qui minus indiget agat Deo gratias et non contristetur,
- qui vero plus indiget humilietur pro infirmitate, non extollatur pro misericordia;
- et ita omnia membra erunt in pace.
- Ante omnia, ne murmurationis malum pro qualicumque causa in aliquo qualicumque verbo vel significatione appareat;
- quod si deprehensus fuerit, districtiori disciplinae subdatur.
