Regula Benedicti
De zelo bono, quem debent habere Monachi
Latein
Deutsch
- Sicut est zelus amaritudinis malus qui separat a Deo et ducit ad infernum,
- ita est zelus bonus qui separat a vitia et ducit ad Deum et ad vitam aeternam.
- Hunc ergo zelum ferventissimo amore exerceant monachi,
- id est ut honore se invicem praeveniant,
- infirmitates suas sive corporum sive morum patientissime tolerent,
- oboedientiam sibi certatim impendant;
- nullus quod sibi utile iudicat sequatur, sed quod magis alio;
- caritatem fraternitatis caste impendant,
- amore Deum timeant,
- abbatem suum sincera et humili caritate diligant,
- Christo omnino nihil praeponant,
- qui nos pariter ad vitam aeternam perducat.
