Regula Benedicti
De significanda hora Operis Dei
Latein
Deutsch
- Nuntianda hora operis Dei dies noctesque sit cura abbatis: aut ipse nuntiare aut tali sollicito fratri iniungat hanc curam, ut omnia horis competentibus compleantur.
- Psalmos autem vel antiphonas post abbatem ordine suo quibus iussum fuerit imponant.
- Cantare autem et legere non praesumat nisi qui potest ipsud officium implere ut aedificentur audientes;
- quod cum humilitate et gravitate et tremore fiat, et cui iusserit abbas.
