Regula Benedicti
De reverentia orationis
Latein
Deutsch
- Si, cum hominibus potentibus volumus aliqua suggerere, non praesumimus nisi cum humilitate et reverentia,
- quanto magis Domino Deo universorum cum omni humilitate et puritatis devotione supplicandum est.
- Et non in multiloquio, sed in puritate cordis et compunctione lacrimarum nos exaudiri sciamus.
- Et ideo brevis debet esse et pura oratio, nisi forte ex affectu inspirationis divinae gratiae protendatur.
- In conventu tamen omnino brevietur oratio, et facto signo a priore omnes pariter surgant.
