Regula Benedicti
De Fratribus in via directis
Latein
Deutsch
- Dirigendi fratres in via omnium fratrum vel abbatis se orationi commendent,
- et semper ad orationem ultimam operis Dei commemoratio omnium absentum fiat.
- Revertentes autem de via fratres ipso die quo redeunt per omnes canonicas horas, dum expletur opus Dei, prostrati solo oratorii
- ab omnibus petant orationem propter excessos, ne qui forte surripuerint in via visus aut auditus malae rei aut otiosi sermonis.
- Nec praesumat quisquam referre alio quaecumque foris monasterium viderit aut audierit, quia plurima destructio est.
- Quod si quis praesumpserit, vindictae regulari subiaceat.
- Similiter et qui praesumpserit claustra monasterii egredi vel quocumque ire vel quippiam quamvis parvum sine iussione abbatis facere.
