Regula Benedicti
De ferramentis, vel rebus Monasteri
Latein
Deutsch
- Substantia monasterii in ferramentis vel vestibus seu quibuslibet rebus praevideat abbas fratres de quorum vita et moribus securus sit,
- et eis singula, ut utile iudicaverit, consignet custodienda atque recolligenda.
- Ex quibus abbas brevem teneat, ut dum sibi in ipsa assignata fratres vicissim succedunt, sciat quid dat aut quid recipit.
- Si quis autem sordide aut neglegenter res monasterii tractaverit, corripiatur;
- si non emendaverit, disciplinae regulari subiaceat.
